البيحب مصر يروح بيتو

السلام عليكم ورحمة الله وبركاته
اولا بكتب كل الي في قلبي وقلب ناس كتير
من اول يوم مظاهره وانا في دماغي تساؤلات
ليه؟؟؟

ليه بعد تونس وليه مش قبلها
ومين؟؟؟

مين الي قايم بالمظاهره وبيتكلم باسمنا

وفين؟؟؟
فين اتجمعوا علي هدف و ومين رئيسهم

تساؤلات كلها بتطرح الف اجابه واجابه

انا مش محلله سياسيه ولا زعيم وطني ولا سياسي
انا مجرد حد زيكم
اه في حكومه فيها مشاكل وسلبيات بس ايجابيتها.. اكبر

اه في ظلم في الجهاز الامني ...وفين البلد الي مفهاش اخفاق

عاوزة اسالكم سؤال

لو الواحد منه عنده عشر شركات...طبعا كلو بيقول يارب

ياتري ممكن تقدر في شهر تطلع الفاسدين في شركاتك كلها لوحدك؟؟؟
ولا هتعين نائب ليك وتحت النائب مديرين وتراجع تقاريرهم
وممكن النائب بتاعك يكون فاسد وممكن المديرين يكونوا فاسدين!!!!

بتحصل ومتخيلها ولا لا؟؟؟

طيب الرئيس تحت ايده كام وزاره والوزاره تحتها كام الف شركه؟؟؟

لو حصل فساد في مكان معين تقدر تحكم وتجزم ان الرئيس عارف ومخطط للفساد دا؟؟؟
وتقدر تعمل نفسك الحكم والجلاد عليه؟؟؟
طبعا لا

ربنا قال كلكم راع وكل راع مسؤل عن رعيته

وايضا ربنا سبحانه وتعالي علام الغيوب ويقدر يحكم علي النفوس وصلاحها وفسادهاده المثل الي مخليني مقتنعه ان الريس يجوز يكون بريء ويجوز يكون لا دي حاجه بينه وبين ربنا سبحانه وتعالي

نرجع للاخوه الافاضل الي قاموا بالمظاهره

مين ياتري الي جمعهم ؟
الظلم

طيب محسوش بالظلم دا ليه قبل ثوره تونس

اه تونس

مع احترامي لكل مسلمين تونس
حد يقدر يقولنا احكام المواريث عندهم مطابقه للقران ولا لا؟
احكام الزواج شكلها ايه؟؟؟

اسئله مش موضوعنا بس مصر مش تونس ومش زيها

نرجع للمظاهرات

يا شباب يا مثقف يا متربي في بيوت محترمه
الادب والتربيه قالو تجيبو صوره الرئيس وهو مشنوق؟
تجبوه بيتحدف بالاحذيه

راجل عمره 83 سنه شايل هم بلد علي كتافه
تعليم صحه طرق وكباري
هتقولوا تعليم فاشل...هقولك مكناش نبقي اقوي قوي عامله في العالم وجامعتنا حلم كل عربي

هتقول صحه مفيش ...هقولك الحمد لله امراض كتير كانت منتشره اختفت ومنها شلل الاطفال مكنش في بيت في مصر مفهعوش طفل مصاب بيه
هتقول الي علي المصانه والمدن والطرق والكباري

حاجه تانيه
هاتلي بلد في العالم العربي والاوربي والدنيا كلها رغيف العيش فيها بخمس قروش
ولا تساوي كام الخمس قروش دي في العمله العالميه

ولا السلع التموينيه الي سالت عليها بالصدفه لقيتها ببلاش تقريبا ولو حسبت
دعمها تلاقيه فوق ال300 جنيه لعيله حوالي خمس افراد او اكتر

يعني مش زي ناس ما بتقول المواطن مبياخدش حاجه

انا مش مع النظام
انا ضد الجحود

طلبنا تغيير في مادتين قانون هيتغيروا

طلبنا نغير الرئيس هو قال هيمشي بكرامته ودا حقه وحقنا كرامته من كرامتنا

الي من غير ماضي ملهوش حاضر
وانا اتولدت لقيت رئيسي حسني مبارك يبقي دا الماضي بتاعي كله
ولو خيري مش فيه مش هيبقي في الي بعده

رسالتي واضحه
الشباب بتوع25 ابريل كتر خيرهم وانا معرفش اساسا هما مين بس جات معاهم والحمد لله
وبدل هما ناس واعيه يبقوا كان لازم يحسوا بخطر الناس الي طلعت علي كتافهم واثارت الفتنه

كان لازم من 3 ايام يروحوا ومحصلش
والي حصل امس بسببهم مش بسبب اي حد تاني
مين قالهم يقدوا؟؟؟

ناقص ايه في طلباتهم عشان يروحوا والدنيا تهدي؟؟؟؟
والي بيقول الناس الغاضبه الي راحت ضربتهم حد ماجرهم
انا عن نفسي لو راجل رزقي يوم بيوم وبيتي خلاص مش لاقي ياكل
لو قمت قلت بصوت عالي تعالوا نجيب العيال دي مع احترامي ليهم طبعا دا مجرد تصوير

تعالوانجيبهم من شعرهم ونشنقهم عشان نعيش
هلاقي الوفات ورايا
عشان عندهم بيت
عندهم التزامات
عندهم اطفال

التغيير جميل بس بهدوء وبادب
ونسمع الي اكبر مننا لما يقولوا كفايه
رجال دين اتكلمت وقالت كفايه متسمعش لهم
رجال سياسه
رجال فن
نساء بكت
اطفال مرعوبه
رجال مقهوره مش عارفه تقضي احتياجات بيتها

كل دول صوتهم اتنبح وقالوا روحوا

محدش سمعهم
انا حبيت اقول حاجه لشباب 25
انتو مش لوحدكم وراكم شياطين

وانتو ادتوهم الفرصه يخربوا البلد
الي هيروح بيحب مصر

والي هيفضل بيكرهها
وانا وكل مصري خايف علي مصر هالعنه واكرهه ليوم الدين
اتمني يكون كلامي وصل صح
مـــ ن ق و ل

مشكـــــــوووووووووووووووووووووور